標籤

2012年6月29日 星期五

敗家去烏!!.


呢度所有既衫都係同一日係葵芳殺返屋企既,呵!!

一返到屋企大少又話:你又買咁多衫做乜?

你理得我,我果日心情靚爆,咪重手左又買衫囉!!!



大袋中還有小袋架!!!哈!!!


1) 螢光+深藍色長身上衣

呢件其實係特價衫,因件衫有極小許毛粒,所以就平D賣出去呢!!!

特價後好似$59!(原價$79)


我見D粒粒都唔算話好明顯,只係得一兩粒咁,同埋我又好鐘意,所以唔理得咁多,比錢!


特色之處件衫個cutting同顏色我都好鐘意呀~~~~


2)+3)


2)黑色蕾絲柳釘袖長身衫!!

$50大元


我貪佢夠簡單,易襯衫嘛,呵呵!!

同埋原先件衫腳兩旁係有橡根位架,不過已經比我挑走左,即刻順眼晒!


平衫都咁架喇,唔會太完美,D蕾絲邊飛起晒都無辦法,唯有洗下佢睇下會唔會好d啦!


件衫平得黎又好得我歡心喎,因為又有柳釘又有蕾絲,唔買都唔得啦!!


3)暗黃不規則鬆身長身衫

$59

因為又係得返最後一件,又係特價衫,原價幾多忘記了,總之都好平啦!!


件衫係掛起係鋪頭前面,我一望就愛不釋手啦,不過件衫真係鬆到連大肚婆都著到,

所以返到屋企要搵條腰帶襯托下咁就超靚喇!!


而且前後唔同色架!!


4)+5)

呢兩件都係同一間店買架,又係得返最後一件!

=.=點解我買親d衫全部都係得返最後一件架,乜真係咁搶手咩???


4)不規則紫紅墨水長身上衣

呢D cutting我已往搵左好耐啦,而且隻色又係超鐘意既色,

我諗都無諗即殺!

$69





5)露肩柳釘黑色墨水長身衫

$69

其實呢件同上面果件係夾埋同一個夾架,所以睇完上面果件後,又比我見到呢件喎,

唉呀...又超鐘意喎,殺埋啦!殺埋就收手喇,破產喇!!






沒有留言:

張貼留言