標籤

2012年2月16日 星期四

好開心變到好唔開心的拎獎品之旅!

恭喜您成為「 U Food x 帝都酒店 分享新年願望」獎的幸運兒之一!!

謝謝您參與 UFood.com.hk 網站於2012 年 1 月11 日至 2011 年 1 月 31 日舉辦的
「U Food x 帝都酒店 分享新年願望 送您酒店豪華套房及餐飲禮券」活動!

您是中獎的幸運兒之一,可獲得”帝都糕餅店Macaroon (6個裝連禮盒)”,恭喜!


我一打開e-mail後真係又估唔到我又有獎品啦........hahahaha超開心呀~~~~~~~~

呢盒macaron,我係尋日新鮮熱辣去拎返黎架!!!

嘩.......我真係要講下先得,雖然有禮品收係一件開心事,

但今次既活動拎獎方法真係好複雜囉....................

點解?我一睇呢封e-mail既拎獎地點係北角...........住新界的我,一見到要過海已經眼凸,

仲要去到北角咁遠.....都算,我再睇封信既細節,

原來拎獎品前又要提早一日打電話去通知office d人,

好彩我睇一睇內容咋,唔係我實白行一轉就真係激死我!!

咁我就約實左尋日去拎,點知佢地間office提早收工,要我3點前到去到,

攪到我死趕難趕,好彩,我最終都可以準時去到!哈.........最攪笑係..........

我見呀office姐姐就比張信封我,信封入面又有張紙!我呆左呆............

我就問:乜唔係黎獎品嗎?

office姐姐答:係呀.....你再拎住封書去沙田帝都酒店就得架喇!!

我:個樣係定格左......(心諗:我頂你呀...要我山長水遠黎北角,竟然就係黎拎封信)

嘩....我當場真係好想鬧人,有乜理由咁樣安排人去拎獎品架!

1)如果係要憑封信先可以去拎,點解唔直接將信封send比得獎者?

仲要得獎者再拎住封信去第二度先可以去拎獎品!!痴線~~~

2)真係好好彩,我自已係住沙田,唔係我一定唔會再返轉頭去拎囉.......

3)最最最攪笑係...我去到帝都酒店,係無人知道原來有呢個活動,

我企左係帝都接代處足足10分鐘,我仲好覺得d人係以為我運吉拎黎野,

一共出動左4-5個人黎睇我封信,又打電話,又問人又成咁,

最後,仲要出動埋佢地裡面呀頭黎睇信,我見住佢打電話問其他人,內容講乜我就唔知,

呀頭講完電話跟住就唔知邊度彈個人出黎比禮品我!!

嘩........果刻我完完全全係覺得佢地比我種感覺係好差.....................講完!



沒有留言:

張貼留言