標籤

2012年1月13日 星期五

敗呀敗呀敗~~~

呢幾件就係上星期係旺角敗落的~~~
花園街:$49-$59~~


簡簡單單最易襯!!就算擺多幾年著都得嘛~~~~^0^



潮特 : $50~~

我買果陣時就係見佢全間鋪都係大特價,而且屋企一件乜紋密紋都無,

買件黎睇下襯唔襯自已,我都係加件外套就無乜問題既~wakakaka

不過就大件外小小囉........>.<闊到大肚婆都著得!


而家D底衫/襯衫,件件都加個插袋既@@~~~

我覺得多鬼餘~~


潮特:呢兩件都係同一間鋪買既~~

大約$59-$69左右~~~

我係極度小買綠色衫既人黎,可以話我屋企一件綠色衫都無,

不過呢隻綠得黎帶D灰灰地咁,睇落隻色都幾特別,~~

而且老闆娘好nice呀~~所以就買左兩件XDD

我覺得質地ok架,都ok滑手!



我竟然特破地買橫條衫呢~~~

@@~~

因為我怕肥,之但係著上身又ok喎,唔肥喎!

會唔會因為長身衫既關系呢?


質地帶點毛毛既感覺!不過我著過一次後,件衫好易縮上左去,變左短身衫>.<

(好彩我出面有加外套,唔係就好突然)



尋日新鮮係蔡芳敗的,去葵芳都係一個原因=去拎試用!

今次係拎瘦面試用呀.......wakakaka~~~尋晚已經忍唔住試左一次lu~~

唔講試用住,講返D成績先~~~~

total:敗左3件


呢件衫我買左返屋企後先發覺,原來我有件一樣款,但唔同色架囉

(即刻上面果件綠灰色)

=.=失察失察

$59

不過唔知係咪葵芳買既原因,件衫好多線頭=.=



以下呢兩件衫都係同一間鋪買既,不過呢個老闆娘勁多要求囉!!

我睇衫既時候,係咁同我講:小心你隻戒指整到D衫x2次~

大老,你咁著緊D衫,未全部通通掛晒上牆囉....做乜掛係度比人睇先,

況且,佢D衫全部都有加膠套既,我點整都唔會整到你D衫呀嘛~~

你D衫又唔係什麼貴價貨,真係so funny~~~

仲有喎,我問外套有無得試下,佢話唔得,因為係冷衫,驚整到d線!

ok,我可以接受呢個理由!

我又問,咁你唔可以試,我拎返屋企試完覺得唔鐘意可唔可以換?

竟然岩我唔得!@@我O晒嘴!

老闆話,只可以換同款其他色,但唔可以換其他衫!

我心諗,個款都唔岩我又點會換其他色呢?

呢間鋪做生意真係勁極超級有問題!唔知大家有無遇過?

不過我又衰格,就係因為佢呢間鋪D衫賣得比其他鋪平,

所以就忍左佢,賣單走人!!後未,仲比左張VIP卡我~=.=

1)$89-$98




我發覺呢件衫唔可以當長袖著,因為會攪到件衫好怪,

唯有一個方法就係拉高個袖,當中袖著又ok喎~~~


2)$120

有3隻色揀,白/米色、紅色,黑色

原本我諗住買白/米色架,因為件白/紅色就夾埋左一齊既,

所以我唔知原來仲有黑色,係我搵搵下個衣架先發現原來有黑色架,

我又見就係因為件外套個cutting都幾特別忍唔住又敗多件呢~~~





沒有留言:

張貼留言