標籤

2011年12月16日 星期五

淘痴又來淘敗了~~

好耐都無上淘寶網瘋狂購物啦~~~~

前排一有錢在手,當然第一時間上網hopping啦~hahahahaha

而家上網買野愈黎愈方便,淘點而家有個合並快遞服務,

就算係唔同既鋪買衫,都唔使怕運費既問題啦!

輕既可以係ok、7仔取貨,重既可以係自提站取貨,

而我當然會去旺角既自提站啦,已經係最方便了!

又或者用另外一個方法合並,

就係去淘寶找運家幫手合並,呢個就方便好多,因為有快遞直接去到你家門口比貨你,

我計返條數,其實都係方法二方便得多,因為唔使拎住d貨係旺角周街走!

無辦法,因為我上次原來係淘寶買左兩次200蚊的東東,

所以淘寶送返2次$20運費比我用,咁無理由唔用架嘛~~hahaha

呢堆野,我自已一個係旺角帶返屋企,好彩唔算太重!!呼~~~~

 

1)純銀流砂手獨:168rmb(包快遞)

嘩...呢款手獨我搵左勁耐勁耐先搵到呀~~~~

搵到果刻真係超級滿足呢!!你會問,有乜咁特別?

特別之處,因為呢個手獨入面有D流砂架!

所以,我隻手一郁的話,隻手獨入面就會發出沙沙聲響喔!呵呵呵

而呢個款,我其實一早已經留意左好耐架啦,係旺角都已經見過2次,

仲有其他款添,第一次見係家樂,不過就要500幾600蚊!

跟住郎豪方仲貴,要成千蚊@@眼凸了!我係沙田都見過,都要成千蚊!

荃灣都有,同我呢個款一樣添,不過就無咁粗,所以無問價錢!

最終,我覺得淘寶一定會有人賣,我唔信無,所以就決定去淘寶搵寶!

最後,我仲要係搜尋左好耐先搵到,因為係字眼問題!

^_^V搵到果刻真係開心到暈!!






2)$49rmb

今年呢個款大熱喔!!我見最平都要$99(葵芳),最貴$199(旺角)都有!

不過,其實我唔係要呢個圖案架囉,

我就係見周圍都係,個個都著呢款,其實我係要鹿圖案架,

我頂,第一次係淘寶買野,個賣家比錯貨我囉~~~

我問個賣家咁點算先?佢話,下次免我速遞費!=.=下次先算啦!!唉~~~~

都要硬要架喇!不過都有點安慰就是,呢個價錢估唔到同出面賣緊既質地cutting係一樣!

估唔到都夠厚,質地唔錯的,cutting又一樣,佢錯有錯著啦~~唔係...我一係比差評價佢!





3)雪地靴$110rmb

我其實之前係yahoo都買過對架,不過原來我係買錯左高度/顏色囉,

因為果對既筒高到上小腿,就算再反出黎,又攪到對腳好粗喎!

唉....又係一時手快快買錯野,而家果對擺左係鞋櫃風塵,等緊其他人要佢!hahah~

今次我就係淘寶慢慢睇岩價錢,睇岩款先落手架!所以總算買得巧滿意!!^_^V呵呵

我其實每次係淘寶買野都係用著唔會太興奮既心情去買,不過估唔到每次都無令我失望,

每次都好鐘意d貨,今次都唔例外,估唔到呢對鞋d款/cuttimg,仲靚過係yahoo買囉@@




我最想講的是,唔知點解淘寶d人好鐘意送禮物比買家架!

究竟呢個係咪一定要做架呢?

我聽過d賣家話,話試過因為有買家收唔到賣家送既禮物,竟然比差評價喎@@~

嘩.....呢個送禮動作,真係要佢地先明!其實我要唔要都得,因為通常我都會掉!







沒有留言:

張貼留言