標籤

2011年12月7日 星期三

唔買唔安落!!


好似好耐都無寫過敗家文!~~好,去相!!

上網敗的,$288

我真係超級鐘意converse架~~就算唔係正版都無所謂啦,

不過佢係我第一對買既假貨,如果出面有得買,我唔會上網買!

因為我覺得真係靚喎!講真,著出街都無人理你係真貨定假貨架啦~~

我尋日行一田果陣都見到對新貨高筒添呀,全紅色架,皮黎既,又係類似我呢隻款咁,

都係499咋嘛,大爺跟手就話我:你唔好諗住買,你已經買左對啦!

=.=哼~~~~~~





呢對鞋我算等得耐囉,話買家話包速遞,頂呀....我上星期二入數,佢話星期三出貨,

我等到尋日先到我屋企囉.....嘩.......送咁耐非洲都到啦........





呢對鞋既鞋底正正是我想買果d款,^^V

因為我之前有對係日本買既日本版既底都係比出面而家果d高小小架~~

(因為平時出面街買果d款通通都係薄底d既,=.=唔知大家明唔明我講乜呢?)

只要有sis著過的話應該就會明!hahahaa~~~

因為高小小既底堅係好著好多好多~~~


呢對鞋有晒我既要求喔!!

1)高底D

2)全黑色(包括鞋頭)

3高筒

4)個款比較特別d

5)男女都著得(大爺已經候緊我對鞋囉)



對鞋真係左睇又靚前睇又靚後睇又靚~~hahaha




屋企勁需要襪呀!

因為屋企d襪我同大爹兩個調轉晒黎著,

佢著到我d襪全部都鬆晒囉~~~

都唔知乜腳黎架~~=.=

原價$65=3對

不過我地有張一田卡,有95折!

實價$62=3對


我地估都估唔到,一田都買到狗仔衫!!

呢件衫我都係無意中買架,

呢件衫就貴囉........第一件買咁買!!

好似原價$15x

跟住有一田卡又有95折,平左$5蚊雞,

仲有件網仔衫送(即是打底衫)

呀sales姐姐話呢d網衫係防停電的,原本係送1件架咋,

佢見我地唔知要邊個size,跟住就再送多件比我地~~勁好人XDD

因為卡比太大隻,無佢size,鬼叫卡比係大狗,

我成日都想買衫比卡比都無得買,唯有買比啤豬豬囉!

不過呢隻死仔包,好鬼醒架,佢識除衫架!!

屋企d狗衫,件件都係有''褸'',佢幫我除出黎,咬爛晒d''褸''囉~~

哈....我今次就醒喇,買件過頭笠既,睇你點除!

點知隻死仔狗無反應喎,仲好鐘意添喎,咁即係鐘意件衫啦,幾識揀呀!!

緊係鐘意啦,件衫好有彈性的,同埋d質地勁C服~~~我都鐘意呀,唔好話佢



呢兩件就係送的~~~

因為3號仔得返最後一件,個sales驚我地返去換果陣已經無晒貨,

所以先索性送埋比我地呢!!



呢件飄馬一田大減價敗的,因為年年都迫爆人,我求其買一件就閃人!

原價好似$399,

減價:$240



手袖位仲有毛毛添架!!

呢個設計幾好~~~



件衫後面先攪笑(隻公仔圖案)!!買果陣都唔覺,返到屋企先發現!!




尋日順手拎埋既禮品!!

我去呢間拎禮品都唔知已經去過幾多次,

hahahaha~~因為呢間d人好好禮貌!!!

因為我想試下個mask呢,所以先拎咋!!


最後是,citysuper送的禮品!!

都係因為之前申請左citysuper既卡,生日月就會送架喇!!

其實都已經過左好幾日,佢地都唔check資料就送~~

大爺叫我話:咁樣既話你個個月去拎都得喎!!

我:=.=痴線,要咁多做乜姐!!

沒有留言:

張貼留言