標籤

2011年11月9日 星期三

東門之敗N次~

嗚>﹏<尋日去左東門行街,頂呀...落雨囉!!

返過大陸既sis應該都知架啦,大陸D地下就算唔落雨都好濕,

一落雨仲大獲,地下濕不特指,D大陸除會更加重,周圍D垃圾會特別多!!

好,唔講呢d住,去相睇下d我成績先呢^0^V

今翅衣物類我只係買左3咋,反而零食買多左!!!



估唔到呢度D零食我買左差不多成舊水人仔=..=我個Fd仲誇張買左兩舊幾水~~

不過我地次次都只係會去百佳掃貨,因為有保證D囉~~

呵...所以我地次次北上都一定會自備一個大大個購物環保袋!

一黎,大陸d膠袋真係又薄又易爛又細個,二黎,都係想為個地球出返小小力呢~~


1)雪花藍色牛仔褲legging~

唔好講笑,呢條legging好抵買,只係$35人仔,同埋D質地都幾厚,有彈性!

周圍都好難搵到呢個款,讚!



近影係咪會清楚好多呢?^_^!!

我真係都幾佩服自己,我竟然可以連續著爛兩條legging,=.=

究竟係d質地差,定還是我成日著,成日洗,所以先爛得咁快呢下?


2)$20人仔,雪花圖案絲質頸巾

呢條頸巾仲有其他色架,我印象中有粉紅色、黑色......

原本開我價$35,講真唔算貴,不過我又覺得唔講驚會虧喎,

我而家好驚,如果香港都係賣$20我就真係心痛屎我囉~~~~~~

我都係貪佢可以一巾兩用啦,又可以當頸巾,又可以當披肩!





$29人仔!唔.....其實都算抵啦!!我一蚊都無講過價,我覺得係良心價!!

我最鬼憎d人成日開價開到離晒大譜,要我死講爛講先得出個門口,

老老實實比個實價人地咪仲好!

不過,我係好小會買橫條衫既,係小到屋企唔會超過3件,

因為我覺得會著到我好橫同好肥!

我都只係覺得呢個款幾特別,因為係短款外套/披肩黎既,

同埋又平,所以買黎試下~~~




沒有留言:

張貼留言